Nieuws

EUVER DE SJREEF 2018

Zondig 20 mei 2018 is alweer de veerde editie van ein groot sjpektakel in Leeve: EUVER DE SJREEF!!

De opdrach is simpel: in ein zelfgemaakt voertuig de helling aaf en dan zo dich meugelik biej de sjtreep toet sjtilsjtand komme.

Dit evenement waerd gehaaje biej Geweun Meneerkes, aan de Maas. Dus.... sjteis se neet op tied sjtil, dan maak se eine sjoone duuk ut water in.

Om in te sjrieve klik hiej

Veur de flyer klik hiej

Tiedsjtip: 13.30 oer toet 17.00, aanwezig / melden om 12.30 oer.

Uterlike insjriefdatum: 13 mei 2018

Biej minder es 15 deilnemers / teams, kinne veer ut evenement neet door laote gaon. Det zou toch jaomer zeen, dus sjrief uch in!!

Ut insjriefgeldj is 10 euro, waat veer veur uch omzitte in consumptiebonnen.

Veer doon dur alles aan om alles good te laote verlaope. Toch wille veer uch dur op wieze det deilname geheel op eige risico is. 

Helm en zjwumvest zeen verplicht! Dukers en de Roermondse Reddingsbrigade doon de rest. En es det neet genog is, sjteit de EHBO klaor es det neudig is.

Veer gaon dur van oet det geer ut regelement gelaeze hubt es geer mit doot.

VEUR UT REGELEMENT KLIK HIEJ!

Veur de rest winse veer uch völ lol en plezeer mit dees parodie op "Ter land, ter zee en in de lucht".

VEUR FOTO'S, FILMPKES E.D. VAN VEURIG JAOR, MOT GEER OP OZZE FACEBOOKPAGINA KIEKE. KLIK HIEJ!